śrī durgā stotraṃ (arjuna kṛtaṃ)
asya śrī durgāstotra mahāmaṃtrasya | badarī nārāyaṇa ṛṣiḥ | anuṣṭupchaṃdaḥ | śrī durgā devatā | mama sarvābhīṣṭa siddhyarthe jape viniyogaḥ | oṃ hrīṃ durgāyai namaḥ | namaste siddhasenāni ārye maṃdaravāsini | kumārī kāḷī kāpāli kapile kṛṣṇapiṃgaḷe || 1 || bhadrakāḷī namastubhyaṃ mahākāḷī namo’stute | caṃḍī caṃḍe namastubhyaṃ tāriṇī varavarṇinī || 2 || kātyāyanī mahābhāge karāḷī vijaye jaye | śikhipiṃchadhvajadhare nānābharaṇabhūṣite || 3 || aṭṭaśūlapraharaṇe khaḍgakheṭakadhāriṇī | gopeṃdrasyānuje jyeṣṭe naṃdagopakulodbhave || 4 || mahiṣāsṛkpriye nityaṃ kauśikī pītavāsinī | aṭṭahāse kokamukhe namaste’stu raṇapriye || 5 || ume śākaṃbarī śvete kṛṣṇe kaiṭabhanāśini | hiraṇyākṣī virūpākṣī sudhūmrākṣī namo’stu te || 6 || vedaśruti mahāpuṇye brahmaṇye jātavedasī | jaṃbūkaṭakacaityeṣu nityaṃ sannihitālaye || 7 || tvaṃ brahmavidyāvidyānāṃ mahānidrā ca dehinām | skaṃdamātarbhagavati durge kāṃtāravāsini || 8 || svāhākārā svadhā caiva kalā kāṣṭhā sarasvatī | sāvitrī vedamātā ca tathā vedāṃta ucyate || 9 || kāṃtārabhayadurgeṣu bhaktānāṃ cālayeṣu ca | nityaṃ vasasi pātāḷe yuddhe jayasi dānavān || 10 || tvaṃ jaṃbhanī mohinī ca māyā hrīḥ śrīstathaiva ca | saṃdhyā prabhāvatī caiva sāvitrī jananī tathā || 11 || tuṣṭiḥ puṣṭirdhṛtirdīptiścaṃdrādityavivardhinī | bhūtirbhūtimatāṃ saṃkhye vīkṣyase siddhacāraṇaiḥ || 12 || stutāsi tvaṃ mahādevi viśuddhenāṃtarātmanā | jayo bhavatu me nityaṃ tvatprasādādraṇājire || 13 ||
iti śrī mahābhārate bhīṣmaparve śrī arjuna kṛta śrī durgāstotraṃ saṃpūrṇaṃ |
View this srotram in:- English(IAST)|| Telugu|| Kannada||
श्री दुर्गा स्तोत्रं (अर्जुन कृतं)
अस्य श्री दुर्गास्तोत्र महामंत्रस्य । बदरी नारायण ऋषिः । अनुष्टुप्छंदः । श्री दुर्गा देवता । मम सर्वाभीष्ट सिद्ध्यर्थे जपे विनियोगः । ओं ह्रीं दुर्गायै नमः । नमस्ते सिद्धसेनानि आर्ये मंदरवासिनि । कुमारी काळी कापालि कपिले कृष्णपिंगळे ॥ १ ॥ भद्रकाळी नमस्तुभ्यं महाकाळी नमोऽस्तुते । चंडी चंडे नमस्तुभ्यं तारिणी वरवर्णिनी ॥ २ ॥ कात्यायनी महाभागे कराळी विजये जये । शिखिपिंछध्वजधरे नानाभरणभूषिते ॥ ३ ॥ अट्टशूलप्रहरणे खड्गखेटकधारिणी । गोपेंद्रस्यानुजे ज्येष्टे नंदगोपकुलोद्भवे ॥ ४ ॥ महिषासृक्प्रिये नित्यं कौशिकी पीतवासिनी । अट्टहासे कोकमुखे नमस्तेऽस्तु रणप्रिये ॥ ५ ॥ उमे शाकंबरी श्वेते कृष्णे कैटभनाशिनि । हिरण्याक्षी विरूपाक्षी सुधूम्राक्षी नमोऽस्तु ते ॥ ६ ॥ वेदश्रुति महापुण्ये ब्रह्मण्ये जातवेदसी । जंबूकटकचैत्येषु नित्यं सन्निहितालये ॥ ७ ॥ त्वं ब्रह्मविद्याविद्यानां महानिद्रा च देहिनाम् । स्कंदमातर्भगवति दुर्गे कांतारवासिनि ॥ ८ ॥ स्वाहाकारा स्वधा चैव कला काष्ठा सरस्वती । सावित्री वेदमाता च तथा वेदांत उच्यते ॥ ९ ॥ कांतारभयदुर्गेषु भक्तानां चालयेषु च । नित्यं वससि पाताळे युद्धे जयसि दानवान् ॥ १० ॥ त्वं जंभनी मोहिनी च माया ह्रीः श्रीस्तथैव च । संध्या प्रभावती चैव सावित्री जननी तथा ॥ ११ ॥ तुष्टिः पुष्टिर्धृतिर्दीप्तिश्चंद्रादित्यविवर्धिनी । भूतिर्भूतिमतां संख्ये वीक्ष्यसे सिद्धचारणैः ॥ १२ ॥ स्तुतासि त्वं महादेवि विशुद्धेनांतरात्मना । जयो भवतु मे नित्यं त्वत्प्रसादाद्रणाजिरे ॥ १३ ॥
इति श्री महाभारते भीष्मपर्वे श्री अर्जुन कृत श्री दुर्गास्तोत्रं संपूर्णं ।
View this srotram in:- English(IAST)|| Devanagari || Kannada||
శ్రీ దుర్గా స్తోత్రం (అర్జున కృతం)
అస్య శ్రీ దుర్గాస్తోత్ర మహామంత్రస్య | బదరీ నారాయణ ఋషిః | అనుష్టుప్ఛందః | శ్రీ దుర్గా దేవతా | మమ సర్వాభీష్ట సిద్ధ్యర్థే జపే వినియోగః | ఓం హ్రీం దుర్గాయై నమః | నమస్తే సిద్ధసేనాని ఆర్యే మందరవాసిని | కుమారీ కాళీ కాపాలి కపిలే కృష్ణపింగళే || ౧ || భద్రకాళీ నమస్తుభ్యం మహాకాళీ నమోఽస్తుతే | చండీ చండే నమస్తుభ్యం తారిణీ వరవర్ణినీ || ౨ || కాత్యాయనీ మహాభాగే కరాళీ విజయే జయే | శిఖిపింఛధ్వజధరే నానాభరణభూషితే || ౩ || అట్టశూలప్రహరణే ఖడ్గఖేటకధారిణీ | గోపేంద్రస్యానుజే జ్యేష్టే నందగోపకులోద్భవే || ౪ || మహిషాసృక్ప్రియే నిత్యం కౌశికీ పీతవాసినీ | అట్టహాసే కోకముఖే నమస్తేఽస్తు రణప్రియే || ౫ || ఉమే శాకంబరీ శ్వేతే కృష్ణే కైటభనాశిని | హిరణ్యాక్షీ విరూపాక్షీ సుధూమ్రాక్షీ నమోఽస్తు తే || ౬ || వేదశ్రుతి మహాపుణ్యే బ్రహ్మణ్యే జాతవేదసీ | జంబూకటకచైత్యేషు నిత్యం సన్నిహితాలయే || ౭ || త్వం బ్రహ్మవిద్యావిద్యానాం మహానిద్రా చ దేహినామ్ | స్కందమాతర్భగవతి దుర్గే కాంతారవాసిని || ౮ || స్వాహాకారా స్వధా చైవ కలా కాష్ఠా సరస్వతీ | సావిత్రీ వేదమాతా చ తథా వేదాంత ఉచ్యతే || ౯ || కాంతారభయదుర్గేషు భక్తానాం చాలయేషు చ | నిత్యం వససి పాతాళే యుద్ధే జయసి దానవాన్ || ౧౦ || త్వం జంభనీ మోహినీ చ మాయా హ్రీః శ్రీస్తథైవ చ | సంధ్యా ప్రభావతీ చైవ సావిత్రీ జననీ తథా || ౧౧ || తుష్టిః పుష్టిర్ధృతిర్దీప్తిశ్చంద్రాదిత్యవివర్ధినీ | భూతిర్భూతిమతాం సంఖ్యే వీక్ష్యసే సిద్ధచారణైః || ౧౨ || స్తుతాసి త్వం మహాదేవి విశుద్ధేనాంతరాత్మనా | జయో భవతు మే నిత్యం త్వత్ప్రసాదాద్రణాజిరే || ౧౩ ||
ఇతి శ్రీ మహాభారతే భీష్మపర్వే శ్రీ అర్జున కృత శ్రీ దుర్గాస్తోత్రం సంపూర్ణం |
View this srotram in:- English(IAST)|| Devanagari || Telugu||
ಶ್ರೀ ದುರ್ಗಾ ಸ್ತೋತ್ರಂ (ಅರ್ಜುನ ಕೃತಂ)
ಅಸ್ಯ ಶ್ರೀ ದುರ್ಗಾಸ್ತೋತ್ರ ಮಹಾಮಂತ್ರಸ್ಯ | ಬದರೀ ನಾರಾಯಣ ಋಷಿಃ | ಅನುಷ್ಟುಪ್ಛಂದಃ | ಶ್ರೀ ದುರ್ಗಾ ದೇವತಾ | ಮಮ ಸರ್ವಾಭೀಷ್ಟ ಸಿದ್ಧ್ಯರ್ಥೇ ಜಪೇ ವಿನಿಯೋಗಃ | ಓಂ ಹ್ರೀಂ ದುರ್ಗಾಯೈ ನಮಃ | ನಮಸ್ತೇ ಸಿದ್ಧಸೇನಾನಿ ಆರ್ಯೇ ಮಂದರವಾಸಿನಿ | ಕುಮಾರೀ ಕಾಳೀ ಕಾಪಾಲಿ ಕಪಿಲೇ ಕೃಷ್ಣಪಿಂಗಳೇ || ೧ || ಭದ್ರಕಾಳೀ ನಮಸ್ತುಭ್ಯಂ ಮಹಾಕಾಳೀ ನಮೋಽಸ್ತುತೇ | ಚಂಡೀ ಚಂಡೇ ನಮಸ್ತುಭ್ಯಂ ತಾರಿಣೀ ವರವರ್ಣಿನೀ || ೨ || ಕಾತ್ಯಾಯನೀ ಮಹಾಭಾಗೇ ಕರಾಳೀ ವಿಜಯೇ ಜಯೇ | ಶಿಖಿಪಿಂಛಧ್ವಜಧರೇ ನಾನಾಭರಣಭೂಷಿತೇ || ೩ || ಅಟ್ಟಶೂಲಪ್ರಹರಣೇ ಖಡ್ಗಖೇಟಕಧಾರಿಣೀ | ಗೋಪೇಂದ್ರಸ್ಯಾನುಜೇ ಜ್ಯೇಷ್ಟೇ ನಂದಗೋಪಕುಲೋದ್ಭವೇ || ೪ || ಮಹಿಷಾಸೃಕ್ಪ್ರಿಯೇ ನಿತ್ಯಂ ಕೌಶಿಕೀ ಪೀತವಾಸಿನೀ | ಅಟ್ಟಹಾಸೇ ಕೋಕಮುಖೇ ನಮಸ್ತೇಽಸ್ತು ರಣಪ್ರಿಯೇ || ೫ || ಉಮೇ ಶಾಕಂಬರೀ ಶ್ವೇತೇ ಕೃಷ್ಣೇ ಕೈಟಭನಾಶಿನಿ | ಹಿರಣ್ಯಾಕ್ಷೀ ವಿರೂಪಾಕ್ಷೀ ಸುಧೂಮ್ರಾಕ್ಷೀ ನಮೋಽಸ್ತು ತೇ || ೬ || ವೇದಶ್ರುತಿ ಮಹಾಪುಣ್ಯೇ ಬ್ರಹ್ಮಣ್ಯೇ ಜಾತವೇದಸೀ | ಜಂಬೂಕಟಕಚೈತ್ಯೇಷು ನಿತ್ಯಂ ಸನ್ನಿಹಿತಾಲಯೇ || ೭ || ತ್ವಂ ಬ್ರಹ್ಮವಿದ್ಯಾವಿದ್ಯಾನಾಂ ಮಹಾನಿದ್ರಾ ಚ ದೇಹಿನಾಮ್ | ಸ್ಕಂದಮಾತರ್ಭಗವತಿ ದುರ್ಗೇ ಕಾಂತಾರವಾಸಿನಿ || ೮ || ಸ್ವಾಹಾಕಾರಾ ಸ್ವಧಾ ಚೈವ ಕಲಾ ಕಾಷ್ಠಾ ಸರಸ್ವತೀ | ಸಾವಿತ್ರೀ ವೇದಮಾತಾ ಚ ತಥಾ ವೇದಾಂತ ಉಚ್ಯತೇ || ೯ || ಕಾಂತಾರಭಯದುರ್ಗೇಷು ಭಕ್ತಾನಾಂ ಚಾಲಯೇಷು ಚ | ನಿತ್ಯಂ ವಸಸಿ ಪಾತಾಳೇ ಯುದ್ಧೇ ಜಯಸಿ ದಾನವಾನ್ || ೧೦ || ತ್ವಂ ಜಂಭನೀ ಮೋಹಿನೀ ಚ ಮಾಯಾ ಹ್ರೀಃ ಶ್ರೀಸ್ತಥೈವ ಚ | ಸಂಧ್ಯಾ ಪ್ರಭಾವತೀ ಚೈವ ಸಾವಿತ್ರೀ ಜನನೀ ತಥಾ || ೧೧ || ತುಷ್ಟಿಃ ಪುಷ್ಟಿರ್ಧೃತಿರ್ದೀಪ್ತಿಶ್ಚಂದ್ರಾದಿತ್ಯವಿವರ್ಧಿನೀ | ಭೂತಿರ್ಭೂತಿಮತಾಂ ಸಂಖ್ಯೇ ವೀಕ್ಷ್ಯಸೇ ಸಿದ್ಧಚಾರಣೈಃ || ೧೨ || ಸ್ತುತಾಸಿ ತ್ವಂ ಮಹಾದೇವಿ ವಿಶುದ್ಧೇನಾಂತರಾತ್ಮನಾ | ಜಯೋ ಭವತು ಮೇ ನಿತ್ಯಂ ತ್ವತ್ಪ್ರಸಾದಾದ್ರಣಾಜಿರೇ || ೧೩ ||
ಇತಿ ಶ್ರೀ ಮಹಾಭಾರತೇ ಭೀಷ್ಮಪರ್ವೇ ಶ್ರೀ ಅರ್ಜುನ ಕೃತ ಶ್ರೀ ದುರ್ಗಾಸ್ತೋತ್ರಂ ಸಂಪೂರ್ಣಂ |